中環的一天

12月23日在中環過了很長時間~~好像返工! 10:00在中環食早餐後去睇醫生。 因為跌倒好痛好擔心， 幸好照左x光沒有大礙，跟著做物理治療。 然後剪頭髮及染髮~~白髮出來了。 再然後去驗眼~~因為有老花。 年紀大了!!!! 今日錢包大出血~~我要節衣縮食poor me

聖誕咭

往年我有親手寫聖誕咭比朋友及寄給他們。今年也是如此，為什麼我要這樣做呢﹖ 同事或一些朋友都有問我這個問題。現今資訊發達，電子郵件、what's app、facebook等等，皆可傳達心意，且聖誕咭不環保。 唉~~一年先寄一張聖誕咭...真的很不環保嗎﹖ 再者，我覺得就是因為資訊太發達，親手寫一些祝福語送給朋友是很溫馨的。即使我的字體不公整，但是包含我的心意。 幸好收到聖誕咭的朋友都給我回應很開心，我也很開心呢。^^

磨練

人生是要在不斷磨練才能夠成長﹗ 不知道大家認同嗎﹖ 近兩年在工作上遇到的磨練確不少﹗﹗面對一些令人激心又無理的上司真想死﹗每次唯依靠祈禱才有力量上班﹗ 幸好工作的地方一定經過聖堂，那怕是短短的一分鍾，也會停下來唸篇天主經。 如果不祈禱我怕自己變得火爆﹗ 感謝這些磨練讓我成長。

放低

我好想放低一些事情， 但總是很難﹗ 放低後就等如零﹗ 我的人生試過三次，(不是感情事) 真是很累的﹗ 放低需要無比的勇氣﹗ 我不知道自己能否做到﹗ 放低又未必是好事， 也未必是壞事﹗ 開始混亂~~~要靜下來深思﹗

粗口

晚上坐巴士回家途中， 初時巴士都算熱鬧， 慢慢傳來一男士與人傾電話的聲音， 而傳出來的說話全是粗口， 係好粗的粗口(我不詳述)﹗ 於是有點熱鬧的巴士變得靜了起來， 隱約聽到是男的與女的吵鬧。 其實覺得討厭因為污染了我的耳朵， 而且巴士中有不少小朋友， 真好想去佢細聲點， 但我沒膽量，我無用﹗ 當他下車時，第一眼望望他的樣子， 望上去雖不是斯文，但不是老粗﹗ 唉~~~年青人﹗戒粗口啦﹗ 另外，他下車後， 有不少人開始談論該名男士的行為﹗ CRAZY﹗﹗

奇母與奇子

今日睇戲遇到一對奇怪母子， 不得不寫﹗ 其母親估佢多年冇睇過戲， 由於佢個仔幫佢買的是有震動的椅， 佢睇其他電影預告片時已經好驚說﹕「好震，有冇唔震架﹖」 跟住又話﹕「我唔睇3D架，會暈架﹗」 未開場就已經同個仔滔滔不絕傾計﹗ 心已想不妙﹗ 最搞笑係百老匯開場前有短片提觀眾唔好說話等， 佢一邊聽一邊同個仔講﹕「呢首歌我細細個就識。」 跟住首歌播完後佢係度唱~~我汗汗汗汗﹗ 佢個仔都有回應佢媽媽﹗ 天啊﹗全場戲佢冇聽過講野﹗ 我SH了他多次，他就細聲D﹗ 唉~~~咩人﹗唔理別人感受﹗ 最恐怖是散場時，奇母與奇子好像一對情侶咁摟抱一齊走﹗ 我肯定佢地的關係係母子，難度個仔有戀母情意結。個男仔有15-16歲左右﹗ 真係睇左咁多戲，咁多年，第一次遇﹗汗汗汗﹗ 仲有這位媽媽真係全場冇戴3D眼鏡。

假好人

誰是假好人﹖ 我是也﹗ 為何咁講﹖ 事緣昨日有新同事在app中提到自己在學校雖然準時放工， 但天都黑晒仍在塞車途中遲遲未能回到家， 她在app中有點不開心及苦悶。 而只得我一個人回應及安慰她。 第二日早上，有同事走埋我身邊大讚我好人﹗ 我一頭霧水.....﹖﹖後來才明白同事讚我的原因。 同事覺得我很好很有同情心。 聽了後，我立即大笑起來並解釋﹕我不是好人，我只是在餐廳等食物時無意答幾句。 哈哈哈..........我是假好人也﹗

甲和乙(續集)

話說過了幾天~~在what"s app 甲﹕「我校長話唔得閒來我的婚禮，你可以來啦﹗」 乙﹕「哦」 甲﹕「唔得住，主任可能都來，等我問埋佢先再話你知。」 乙﹕「!!」 乙是本人，本人決定唔出席，我唔見得光咩﹗

開OT

九月份較忘， 開左好多家長會。 今晚開小一家長會， 家長問﹕「愚老師，辛苦了，你地今晚開會，有冇OT費架﹖」 我﹕「冇喎。」 家長﹕「咁有冇食飯津貼﹖」 我﹕「冇。」 家長﹕「吓，咩都冇﹗咁應該家長請你地食飯。」 我﹕「唔敢~~~哈哈哈........」 我呢行冇OT費、冇開OT食飯津貼，自己比錢叫外賣。 呢位家長好有愛心^^

作品欣賞

這是2003年麥卡西的作品，名為《地下碉堡》 你對此作品有何感覺﹖

甲和乙

甲和乙的關係是舊同事。關係的友好程度屬於一般同事來往。不久大家亦各自另謀高就。 一日甲同事致電乙同事告知已轉新工， 並向乙同事問有關新工的人和事，因為甲和乙現在做的工作是同一機構，只是分店不同而已。 當乙同事把一切所知告訴甲後。之後...... 甲對乙說﹕「請你話唔識我，我唔想被人知我同你係認識。」 乙表示明白及同意。 不久甲對乙說﹕「我老闆問我識唔識你，我話唔識，你記住都話唔識我。」 乙表示OK明白。 不久甲結婚送喜帖給乙，請她出席婚禮。 乙突然想到如果甲的老闆見到自己出現就糟糕﹗因為甲老闆認識乙。 於是乙問甲﹕「如果你老闆出席婚禮，我又出席，見到面後實問我是否認識你，那如何是好﹖」 甲想了一想﹕「那麼你說是男方的親友吧﹗」 乙好快回應﹕「咁我唔去，我唔想講大話﹗」 甲回應﹕「咁OK啦﹗」 各位blog友~~這個乙是我﹗我聽到這樣的回應後很不開心，我覺得甲不尊重我﹗如果拍照時叫男家親友影相，我出左去，他們不認識我，多尷尬呢﹗ 真是無話可說﹗﹗﹗

開學一星期了﹗

開學不經不覺一星期， 其實都習慣了。 最不習慣是早起~~因暑假返9:00，而家返8:15~~:( 不過見到升了低、高班的學生， 那份喜悅難以形容。 工作已經開始愈來愈忙﹗ 喉嚨有少少痛﹗ 不可以病啊﹗

我返學了

每年我都要花心思想想自己進修什麼，實在苦惱﹗ 今年就不用了，我報讀了「神學普及課程」。 全年只是$3000，好抵﹗ 又不用做功課， 簡直啱我這種懶人﹗ 哈哈哈

開學了

新的一學年始了﹗ 開學了，不過只是幼兒班﹗唔知會唔會哭到暈~~ 應該唔會，因為今天爸媽可以陪。^^